សូម​ចូល​រួម​រំលែក​ទុក្ខ​ អតីត​តារា​សម្ដែងដ៏​ល្បី​ឈ្មោះ​អ្នកនាង​ សយ​ ស្រី​លក្ខណ៍​ បាន​ទទួល​មរណភាព​ហេីយ​ ដោយសារតែ​

មួយ​រយៈ​ពេលមក​នេះ​ យេីង​សង្កេត​ឃើញ​ថា​ មាន​អ្នកសិល្បខ្មែរ​មួយ​ចំនួន​បាន​ទទួល​មរណភា​ព​បន្ត​បន្ទាប់​គ្នា​ ខណៈ​ដែល​ពួកគាត់មួយចំនួន​មាន​វ័យ​ចាស់ជរា​ មាន​ជំងឺ​ប្រចាំ​កាយ​ និង​មាន​ឧបទ្ទវហេតុ​គ្រោះថ្នាក់​ចរាចរណ៍​ជាដេីមនោះ​ ដែលនេះជាដំណឹង​ដ៏សោកសៅ​ និង​ក្រៀមក្រំ​បំផុតសម្រាប់ប្រជាជនខ្មែរ​ ដែលបាត់បង់​វិរៈ​សិល្បករ​ឆ្នើម​ដូច​ពួកគាត់។

យ៉ាងណាមិញ​​ សូម​ចូល​រួម​រំលែក​ទុក្ខ​យ៉ាង​ក្រៀមក្រំ​បំផុត​ដល់​ក្រុម​គ្រួសារ​នៃ​ ស.ព​ អតីត​តារា​សម្ដែង​អ្នកនាង សយ ស្រីលក្ខណ៍​ ដែលបាន​ទទួល​មរណភាព​ដោយ​រោគាពាធ​។ នេះ​បេីយោងតាមការ​បញ្ជាក់​ពី​លោក​ សាវិន​ ហ្វីលីព​ ដែលបាន​បង្ហោះ​នៅ​លេី​ទំព័រ​ហ្វេសប៊ុក​កាល​ពី​ប៉ុន្មាន​ម៉ោងមុន​នេះ​ នាថ្ងៃទី១៤​ ខែមីនា​ ឆ្នាំ​២០២២​។

ប្រភពពី​តារា​សម្ដែង​ប្រុស​រូបនេះបាន​មាន​ការ​រៀប​រាប់​ឲ្យ​ដឹង​ថា៖«R.I.P សូមចូលរួមរំលែកទុក្ខដល់អ្នកនាង សយ ស្រីលក្ខណ៍​(ទីម៉ា​)​ អតីតតារាសម្ដែងល្បីឈ្មោះម្នាក់ដែលបានចេញទៅរស់នៅប្រទេសបារាំងយូរឆ្នាំហេីយ។ នាងធ្លាប់ថតចម្រៀង​Karaoke ជាមួយខ្ញុំក្នុងផលិតកម្មឆ្លងដែនកាលពីច្រេីនឆ្នាំមុន។ គាត់ស្លា.ប់ដោយជំងឺ គាំ.ងបេះដូង។ អ្នកនាងកេីតនៅថ្ងៃទី២៤ ខែកញ្ញា ឆ្នាំ១៩៨៤ និងបានស្លា.ប់នៅថ្ងៃទី១២ ខែមីនា​ ឆ្នាំ​២០២២ ម៉ោង៥ល្ងាចនៅក្នុងប្រទេសបារាំង នេះបេីតាមប្អូនស្រីគាត់បានប្រាប់»។

Add a Comment

Your email address will not be published.