ដឹងការពិតហើយ ករណីសមត្ថកិច្ចមួយរូបបានទ្រោបខ្លួនទៅលេីរថយន្តព្រូសកាលពីម្សិលមិញ ដោយសារតែ
កាលពីម្សិលមិញនេះ នាថ្ងៃទី១៨ ខែកញ្ញា ឆ្នាំ២០២១ មានការភ្ញាក់ផ្អើលពីមហាជនអ្នកប្រើប្រាស់បណ្ដាញសង្គមហ្វេសប៊ុកជាច្រើន ទាក់ទងនឹងឃ្លីបវីដេអូមួយដែលសមត្ថកិច្ចចរាចរណ៍មួយរូបបានទ្រោបខ្លួនទៅលេីរថយន្តព្រូសមួយគ្រឿង ខណៈដែលរថយន្តមួយនេះនៅតែបន្តបេីកទៅមុខដោយបុរសម្នាក់ ក៏ត្រូវបានអ្នកធ្វើដំណើរនៅទីនោះជួយអន្តរាគមន៍ទេីបឈប់។
យ៉ាងណាមិញ នៅព្រឹកថ្ងៃទី១៩ ខែកញ្ញា ឆ្នាំ២០២១ នេះ ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ បានចេញសេចក្តីបកស្រាយបំភ្លឺ ទាក់ទងទៅនឹងករណីកេីតឡេីងខាងលើ ដែលមានខ្លឹមសាររៀបរាប់ទាំងស្រុងដូចតទៅ៖«ក្រុមការងារព័ត៌មាន និងប្រតិកម្មរហ័ស មានកិត្តិយសជម្រាបជូនបងប្អូនប្រជាពលរដ្ឋ និងអ្នកនិយមប្រេីប្រាស់បណ្តាញសង្គមហ្វេសប៊ុកទាំងអស់ឱ្យបានជ្រាបច្បាស់ថា
ករណីដែលមានសារព័ត៌មានជាច្រេីនបានផ្សព្វផ្សាយរូបភាពមន្ត្រីនគរបាលចរាចរណ៍ផ្លូវគោកម្នាក់ជាប់នៅលេីដំបូលរថយន្តម៉ាក Prius នោះមិនមែនជាការចេញឃាត់ ឬក៏អនុវត្តច្បាប់ចរាចរណ៍នោះទេ គឺជាសកម្មភាពដែលមន្ត្រីរូបនោះកំពុងតែជួយសម្រួលចរាចរណ៍នៅតាមដងផ្លូវ ជាក់ស្តែង កាលពីថ្ងៃទី១៨ ខែកញ្ញា ឆ្នាំ២០២១ វេលាម៉ោង ១៥ : ០០នាទី មានរថយន្តមួយគ្រឿង ម៉ាកព្រូស ពណ៌ទឹកប្រាក់ ពាក់ស្លាកលេខ ភ្នំពេញ 2Q-7987 បើកបរដោយឈ្មោះ ធ្លក សុខចំរើន ភេទប្រុស អាយុ៤១ឆ្នាំ មុខរបរបុគ្គលិកក្រុមហ៊ុន បានធ្វើដំណើរតាមបណ្តោយផ្លូវទំនប់៧០ នៅពេលមកដល់ម្តុំបឹងកក់ស្របពេលដែលសមត្ថកិច្ចកំពុងតែជួយសម្រួលការកកស្ទះនៅគោលដៅនោះ
មន្ត្រីរូបនោះបានលេីកដៃជាសញ្ញាបញ្ជាឱ្យរថយន្តនៅម្ខាងផ្លូវឈប់ ដោយមូលហេតុបញ្ហាសុខភាពអ្នកបេីកបររថយន្ត Prius មានស្ថានភាពមិនស្រួលខ្លួន ស្រវាំងភ្នែក ងងឹតមុខ នៅតែបន្តដំណេីរយឺតៗទៅមុខដោយមិនបានឃេីញសមត្ថកិច្ចឈរសម្រួលចរាចរណ៍នៅតាមដងផ្លូវឡេីយ ឃេីញស្ថានភាពកំពុងប្រឈមគ្រោះថ្នាក់ដូច្នេះ មន្ត្រីចរាចរណ៍រូបនោះមិនដឹងគេចទៅខាងណា ក៏ទ្រោបខ្លួនទៅលេីរថយន្តព្រូសនោះ ដេីម្បីចៀសផុសពីការគ្រោះថ្នាក់ បន្ទាប់មកទៀត ក៏មានប្រជាពលរដ្ឋបាននាំគ្នាជួយឃាត់ អន្តរាគមន៍ ដោយខ្លះស្រែកផង ស៉ីផ្លេផង ទេីបធ្វេីឲ្យគាត់ស្វាងស្មារតីឡេីងវិញ ហេីយក៏បញ្ឈប់យានយន្ត ។ ក្រោយពេលកើតហេតុ កម្លាំងការិយាល័យនគរបាលចរាចរណ៍ ក៏បានចុះទៅត្រួតពិនិត្យ និងនាំខ្លួនអ្នកបើកបរមកពិនិត្យជាតិស្រវឹង (គ្មាន) រួមទាំងនាំយករថយន្តខាងលើមករក្សាទុកផងដែរ ។ អ្នកបេីកបររូបនោះក៏បានទទួលស្គាល់នូវកំហុស ធ្វេីកិច្ចសន្យា ហេីយក៏បានធ្វេីការថតជាវីដេអូដេីម្បីធ្វេីការបំភ្លឺអំពីដំណេីររឿងនៃករណីនេះ ក៏ដូចជាការសុំទោសជាសាធារណ:ចំពោះកំហុសដែលកេីតមានឡេីងដោយអចេតនាដោយសារបញ្ហាសុខភាពនេះផងដែរ»៕
សូមទស្សនាវីដេអូខាងក្រោម
មិនគួរឲ្យជឿទេ ធ្លាប់តែឃើញនៅប្រទេសគេ តែឥលូវមាននៅខ្មែរយើងហើយ នារីរូបស្រស់ម្នាក់ជួលផ្ទះគេជាង២ឆ្នាំ ម្ចាស់ផ្ទះបើកទ្វារខ្វាកសំរាមពេញបន្ទប់គរដូចភ្នំ
ប្អូនពៅរបស់បង ហេតុអីបានជាទៅលឿនបែបនេះ បងទទួលយកមិនបានទេ អូនសន្យារថាមកលេងបងស្រីម្នាក់នេះ
ព្រោះតែមូលហេតុនេះ ទេីបប្រពន្ធដា.ច់ចិត្តហ៊ានយកកាំ…បិ…ត…មកកា…ប់ផ្តា…ច់បំ…ព…ង់…ក…ស…ម្លា…ប់ប្តីខ្លួនឯង ពេលរូបគាត់ដេ…កនៅក្រោមផ្ទះ
About The Author
